Ngarunut tapak panjang Maung Bandung ti mimiti ngadeg nepi ka jadi klub profésional.
PERSIB lain ngan saukur ngaran klub sepak bola. PERSIB téh bagian tina carita panjang Kota Bandung, Jawa Barat, jeung perjalanan sepak bola Indonesia.
Sadayana boga cikal bakal.
Dina 5 Januari 1919, lahir Bandoeng Inlandsche Voetbal Bond (BIVB), hiji perserikatan klub-klub sepak bola pribumi di Bandung. Ti dieu, hiji perjalanan panjang mimiti ditulis.
Teu lila ti harita, dina 19 April 1930, BIVB jadi salah sahiji ti tujuh klub anu milu ngadegkeun PSSI (Persatuan Sepakbola Seluruh Indonesia). Jaman robah, perjuangan ogé terus lumangsung. BIVB ngalaman sababaraha transformasi, mimiti tina Inlandsche jadi Indonesische, tuluy robah jadi Perserikatan Sepakraga Indonesia Bandung (PSIB).
Dina 18 Maret 1934, PSIB ngahiji jeung NVB (National Voetbal Bond) maka lahir ngaran anu nepi ka ayeuna jadi bagian tina kahirupan jutaan jalma, nyaéta PERSIB.
Ti mangsa ka mangsa, PERSIB terus nyorang rupa-rupa fase. Ti jaman perserikatan, jaman profesional, nepi ka jadi salah sahiji klub panggedéna di Indonesia.
Dina 9 Séptember 2009, PERSIB ngalakukeun transformasi. Klub resmi dikelola sacara profesional di handapeun PT PERSIB Bandung Bermartabat (PT PBB).
Tapi hiji hal teu kungsi robah: PERSIB tetep PERSIB.
Ngaran anu diwariskeun ti generasi ka generasi. Carita anu terus ditulis. Jeung identitas anu terus hirup dina diri Bobotoh. Sabab ngarti kana PERSIB ayeuna, moal lengkep lamun urang teu nyaho ti mana Maung Bandung ngamimitian lalampahanana.
Hayu urang ngarunut deui sajarahna. Ti BIVB 1919, nepi ka PERSIB ayeuna. Ieu lain saukur sajarah klub. Ieu sajarah urang.
[MEMÉRSIB]
Sumber: persib.co.id